ପହଲଗାମ୍ ଆତଙ୍କୀ ହମଲା: ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ଶାହା

ଶ୍ରୀନଗର/ନୂଆଦିଲ୍ଲୀ ୨୩-୦୪-୨୦୨୫(ଏସ.ଏମ ) :  ପହଲଗାମ୍ ଆତଙ୍କୀ ହମଲାରେ ପ୍ରାଣ ହରାଇଥିବା ପର୍ଯ୍ୟଟକଙ୍କୁ ଶ୍ରଦ୍ଧାଞ୍ଜଳି ଜଣାଇଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଶ୍ରୀନଗରରେ ଶାହା ଦେଲେ ଗଭୀର ଶ୍ରଦ୍ଧାଞ୍ଜଳି । ଶୋକାକୂଳ ପରିବେଶରେ ୨୮ ଜଣ ପର୍ଯ୍ୟଟକଙ୍କୁ ଶାହା ଶ୍ରଦ୍ଧା ସୁମନ ଅର୍ପଣ କରିଥିବା ବେଳେ ଶ୍ରୀନଗରରୁ ଆସି ମୃତକଙ୍କ ଘରକୁ ବାହାରିବ ମରଶରୀର । ତେବେ ଶାହା ଆଜି ପହଲଗାମ୍ ଯିବାର ଯୋଜନା ରହିଛି । ପହଲଗାମ୍ ପହଞ୍ଚି ସେଠାରେ ମୃତକଙ୍କ ପରିବାରକୁ ଭେଟିବେ ଏବଂ ସେମାନଙ୍କୁ ସମବେଦନା ଜଣାଇବେ । ମଙ୍ଗଳବାର ଆତଙ୍କୀ ହମଲାରେ ଥରିଥିଲା ପହଲଗାମ୍ । ଅନ୍ଧାଧୁନ ଗୁଳି କରି ନିରୀହ ପର୍ଯ୍ୟଟକଙ୍କ ଜୀବନ ନେଇଥିଲେ ଆତଙ୍କୀ । କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ଏହା ସବୁଠୁ ବଡ ଆତଙ୍କୀ ହମଲା କୁହାଯାଉଥିବା ବେଳେ ଆତଙ୍କୀ ଆକ୍ରମଣର ଜବାବ ଦେବାକୁ ଦେଶବାସୀ ଦାବି କରିଛନ୍ତି । ସେପଟେ ପ୍ରଧାନମନ୍ତ୍ରୀ ମୋଦି ସାଉଦି ଆରବ ଗସ୍ତକୁ ଅଧାରେ ରଖି ଭାରତ ଫେରି ଉଚ୍ଚସ୍ତରୀୟ ବୈଠକ କରିଛନ୍ତି ।