ପୁଣି କମିଲା ଏଲପିଜି ସିଲିଣ୍ଡରର ଦର

ପୁଣି କମିଲା ଏଲପିଜି ସିଲିଣ୍ଡରର ଦର

ଲଗାତାର ତୃତୀୟ ମାସ ଧରି ବାଣିଜ୍ୟିକ ଏଲପିଜି ଗ୍ୟାସ ସିଲିଣ୍ଡରର ଦର ହ୍ରାସ ପାଇଛି। ଏହାଦ୍ୱାରା ରେଷ୍ଟୁରାଣ୍ଟ, ହୋଟେଲ ଏବଂ ଢାବା ଗୁଡ଼ିକ ଲାଭବାନ ହେବେ। ତୈଳ ବିପଣନ କମ୍ପାନିଗୁଡ଼ିକ (ଓଏମସି) ଗ୍ୟାସ ସିଲିଣ୍ଡରର ଦର ହ୍ରାସ କରିଛନ୍ତି

ନୂଆଦିଲ୍ଲୀ/ଭୁବନେଶ୍ୱର ୦୧-୦୬-୨୦୨୫(ଏସ .ଏମ ) : ଜୁନ୍ ୧ ତାରିଖରୁ ସାରା ଦେଶରେ ଏଲପିଜି ସିଲିଣ୍ଡରର ଦର ହ୍ରାସ ପାଇଛି। ତୈଳ ବିପଣନ କମ୍ପାନିଗୁଡ଼ିକ (ଓଏମସି) ଗ୍ୟାସ ସିଲିଣ୍ଡରର ଦର ହ୍ରାସ କରିଛନ୍ତି। ଜୁନ୍ ୧ଠାରୁ ୧୯ କିଲୋଗ୍ରାମ ବାଣିଜ୍ୟିକ ଏଲପିଜି ଗ୍ୟାସ ସିଲିଣ୍ଡରର ମୂଲ୍ୟ ପ୍ରାୟ ୨୪ ଟଙ୍କା ହ୍ରାସ ପାଇଛି।ଏହା ରେଷ୍ଟୁରାଣ୍ଟ, ହୋଟେଲ, ଢାବା ଭଳି ପ୍ରତିଷ୍ଠାନଗୁଡ଼ିକୁ ଲାଭ ଦେବ। ଦର ହ୍ରାସ ଯୋଗୁ ବ୍ୟବସାୟ ପରିଚାଳନା ଖର୍ଚ୍ଚ ହ୍ରାସ ପାଇବ। ତେବେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ କରାଯାଇ ନାହିଁ।ଲଗାତାର ତୃତୀୟ ମାସ ଧରି ବାଣିଜ୍ୟିକ ସିଲିଣ୍ଡରର ଦର ହ୍ରାସ ପାଇଛି। ପୂର୍ବରୁ, ମେ’ ମାସରେ ମୂଲ୍ୟ ୧୪.୫ ଟଙ୍କା ହ୍ରାସ କରାଯାଇଥିଲା ଏବଂ ଏପ୍ରିଲ ମାସରେ ମଧ୍ୟ ୪୧ ଟଙ୍କା ହ୍ରାସ କରାଯାଇଥିଲା।

ଜୁନ୍ ୧ ରୁ ପ୍ରମୁଖ ସହରରେ ବାଣିଜ୍ୟିକ ଏଲପିଜିର ନୂତନ ମୂଲ୍ୟ:

ନୂଆଦିଲ୍ଲୀ: ଜାତୀୟ ରାଜଧାନୀରେ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ଦର ୧୭୨୩.୫୦ ଟଙ୍କା ହୋଇଛି।

କୋଲକାତା: ପଶ୍ଚିମବଙ୍ଗ ରାଜଧାନୀ କୋଲକାତାରେ ବାଣିଜ୍ୟିକ ସିଲିଣ୍ଡରର ନୂତନ ଦର ୧୮୨୬ ଟଙ୍କା ହୋଇଛି।

ଚେନ୍ନାଇ: ତାମିଲନାଡୁର ରାଜଧାନୀ ଚେନ୍ନାଇରେ ରବିବାର ଠାରୁ ୧୯ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ଦର ୧୮୮୧ ଟଙ୍କା ହୋଇଛି।

ମୁମ୍ବାଇ: ମହାରାଷ୍ଟ୍ରର ମୁମ୍ବାଇରେ ବାଣିଜ୍ୟିକ ସିଲିଣ୍ଡରର ଦର ୧୬୭୪.୫୦ ଟଙ୍କା ରହିଛି।

ବେଙ୍ଗାଲୁରୁ: କର୍ଣ୍ଣାଟକର ବେଙ୍ଗାଲୁରୁରେ ନୂଆ ଦର ଏବେ ୧,୭୧,୭୯୬.୫୦ ଟଙ୍କା ହୋଇଛି, ଯେତେବେଳେ ପୂର୍ବରୁ ଏହା ୧,୮୨୦.୫୦ ଟଙ୍କା ଥିଲା।

ନୋଏଡା: ରବିବାର ଠାରୁ ନୋଏଡାରେ ବାଣିଜ୍ୟିକ ସିଲିଣ୍ଡର ୧,୭୨୩.୫୦ ଟଙ୍କାରେ ବିକ୍ରି ହେଉଛି।

ଚଣ୍ଡିଗଡ଼: ଚଣ୍ଡିଗଡ଼ରେ ରବିବାର ଠାରୁ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୭୪୩ ଟଙ୍କା ହୋଇଛି।

ଭୁବନେଶ୍ୱର: ଜୁନ୍ ୧ ତାରିଖରୁ ଓଡ଼ିଶାର ରାଜଧାନୀ ଭୁବନେଶ୍ୱରରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୭୫୨ ଟଙ୍କା ହୋଇଛି।

ଜୟପୁର: ପୂର୍ବରୁ ଜୟପୁରରେ ଏହାର ଦର ୧୭୭୬ ଟଙ୍କା ଥିଲା। ରବିବାରଠାରୁ ନୂତନ ଦର ୧,୭୫୨ ଟଙ୍କା ରହିଛି।