ପୁଣି ଫର୍ଡୋ ଆଣବିକୁ କେନ୍ଦ୍ର ଉପରେ ଆକ୍ରମଣ କଲା ଇସ୍ରାଏଲ

ଇସ୍ରାଏଲ ବାୟୁସେନା ପକ୍ଷରୁ ଇରାନର ଫୋର୍ଡୋ ପରମାଣୁ କେନ୍ଦ୍ର ଉପରେ ପୁଣି ଥରେ ଆକ୍ରମଣ କରିଛି। ଗୋଟିଏ ଦିନ ପୂର୍ବରୁ ଆମେରିକା ଅତ୍ୟନ୍ତ ଶକ୍ତିଶାଳୀ ବି-୨ ବୋମାବର୍ଷୀ ବିମାନ ମାଧ୍ୟମରେ ଏହାକୁ ଟାର୍ଗେଟ କରାଯାଇଥିଲା।

ତେହେରାନ/ନୂଆଦିଲ୍ଲୀ/ଭୁବନେଶ୍ୱର ୨୩-୦୬-୨୦୨୫(ଏସ.ଏମ. ) : ଆମେରିକାର ବିମାନ ଆକ୍ରମଣ ପରେ ଇସ୍ରାଏଲ ମଧ୍ୟ ଇରାନର ଫୋର୍ଡୋ ପରମାଣୁ କେନ୍ଦ୍ର ଉପରେ ମଧ୍ୟ ଆକ୍ରମଣ କରିଛି। ଇରାନର ସମାଚାର ଏଜେନ୍ସି ତସନିମର ରିପୋର୍ଟ ଅନୁଯାୟୀ, କୋମ୍ ପ୍ରଦେଶର ବିପର୍ଯ୍ୟୟ ପରିଚାଳନା ମୁଖ୍ୟାଳୟ କହିଛି ଯେ ଇସ୍ରାଏଲୀ ସେନା ଇରାନର ଫୋର୍ଡୋ ପରମାଣୁ କେନ୍ଦ୍ର ଉପରେ ଆକ୍ରମଣ କରିଛି। ଫୋର୍ଡୋକୁ ଇରାନର ପରମାଣୁ ଅସ୍ତ୍ର କାର୍ଯ୍ୟକ୍ରମ ପାଇଁ ବେଶ ଗୁରୁତ୍ବପୂର୍ଣ୍ଣ ପ୍ରତିଷ୍ଠାନ ବୋଲି ମନେ କରାଯାଏ । ଗୋଟିଏ ଦିନ ପୂର୍ବରୁ ଆମେରିକା ଅତ୍ୟନ୍ତ ଶକ୍ତିଶାଳୀ ବି-୨ ବୋମାବର୍ଷୀ ବିମାନ ମାଧ୍ୟମରେ ଏହାକୁ ଟାର୍ଗେଟ କରାଯାଇଥିଲା। ତେବେ ଇରାନ ପକ୍ଷରୁ ଦାବି କରାଯାଇଛି ଯେ ଗତ ମାର୍ଚ୍ଚ ମାସରେ ହିଁ ଏହି ପରମାଣୁ କେନ୍ଦ୍ରରୁ ୟୁରାନିୟମକୁ ଏକ ସୁରକ୍ଷିତ ସ୍ଥାନକୁ ନିଆଯାଇଥିଲା ।ଜାତିସଂଘ ପରମାଣୁ ନିରୀକ୍ଷଣ ସଂସ୍ଥା(ଆଇଏଇଏ) ପକ୍ଷରୁ ସୋମବାର ଦିନ କହିଛନ୍ତି ଯେ ଏହି ସପ୍ତାହାନ୍ତରେ ଆମେରିକା ପକ୍ଷରୁ ଶକ୍ତିଶାଳୀ ବଙ୍କର-ବଷ୍ଟର ବୋମା ବ୍ୟବହାର କରି ବିମାନ ଆକ୍ରମଣ କରିବା ପରେ ଫୋର୍ଡୋରେ ଇରାନର ଭୂତଳ ସୁବିଧା “ଅତ୍ୟଧିକ କ୍ଷତି” ସହିଥିବା ସମ୍ଭାବନା ରହିଛି। ଅନ୍ତର୍ଜାତୀୟ ପରମାଣୁ ଶକ୍ତି ଏଜେନ୍ସି ମୁଖ୍ୟ ରାଫେଲ ମାରିଆନୋ ଗ୍ରୋସି ଭିଏନାରେ ଏହି ବିବୃତ୍ତି ଦେଇଛନ୍ତି।