ବାଂଲାଦେଶ ସୀମାରେ ଏସ-୪୦୦, ରାଫେଲ ମୁତୟନ କଲା ଭାରତ
ବାଂଲାଦେଶ ସୀମାରେ ଏସ-୪୦୦, ରାଫେଲ ମୁତୟନ କଲା ଭାରତ
ସିଲିଗୁଡ଼ି କରିଡୋର ନିକଟରେ ବାଂଲାଦେଶ ଚୀନ ସହଯୋଗରେ ଏକ ପୁରୁଣା ବିମାନଘାଟିର ନବୀକରଣ କରାଯାଉଥିବା ସୂଚନା ମିଳିବା ପରେ ଭାରତର ସାମରିକ ବାହିନୀ ସତର୍କ ହୋଇଯାଇଛି
ନୂଆଦିଲ୍ଲୀ/ଭୁବନେଶ୍ୱର ୨୭-୦୫-୨୦୨୫(ଏସ .ଏମ ) : ପାକିସ୍ତାନକୁ ଶିକ୍ଷା ଦେବା ପରେ ଭାରତ ଏବେ ବାଂଲାଦେଶ ଉପରେ ନଜର ପକାଇଛି । ବାଂଲାଦେଶ ବାରମ୍ବାର ଭାରତକୁ ଧମକ ଦେଉଥିବାରୁ ଭାରତ ସତର୍କ ହୋଇଉଠିଛି । ବିଶେଷକରି ସିଲିଗୁଡ଼ି କରିଡୋର ନିକଟରେ ବାଂଲାଦେଶ ଚୀନ ସହଯୋଗରେ ଏକ ପୁରୁଣା ବିମାନଘାଟିର ନବୀକରଣ କରାଯାଉଥିବା ସୂଚନା ମିଳିବା ପରେ ଭାରତର ସାମରିକ ବାହିନୀ ସତର୍କ ହୋଇଯାଇଛି ।ଭାରତୀୟ ସେନା ସିଲିଗୁଡ଼ି କରିଡରରେ ରୁଷ ନିର୍ମିତ ଏସ-୪୦୦ କ୍ଷେପଣାସ୍ତ୍ର ପ୍ରତିରକ୍ଷା ପ୍ରଣାଳୀ ମୁତୟନ କରିଛି। ଏହି କରିଡରକୁ ଚିକେନ୍ ନେକ୍ ମଧ୍ୟ କୁହାଯାଏ। ଏହା ମାତ୍ର ୨୦-୨୨ କିଲୋମିଟର ଚଉଡା ଏବଂ ଏହା ଉତ୍ତର-ପୂର୍ବକୁ ଭାରତ ସହିତ ସଂଯୋଗ କରୁଥିବା ଏକମାତ୍ର କରିଡର। ଏସ-୪୦୦ ସହିତ, ହାସିମାରା ବାୟୁସେନା ଘାଟିରେ ରାଫେଲ ଯୁଦ୍ଧ ବିମାନର ଏକ ସ୍କ୍ୱାର୍ଡନ ମଧ୍ୟ ମୁତୟନ କରାଯାଇଛି।ଭାରତର ଏହି ଗୁରୁତ୍ୱପୂର୍ଣ୍ଣ ଅଞ୍ଚଳରେ ଏସ-୪୦୦ ଏବଂ ରାଫେଲର ମୁତୟନ ଅନେକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ, କାରଣ ଏହା ଚୀନ୍, ଭୁଟାନ, ନେପାଳ ଏବଂ ବାଂଲାଦେଶର ସୀମା ନିକଟରେ ଅବସ୍ଥିତ। ୪୦୦ କିଲୋମିଟର ଦୂରରୁ ଆକାଶ ବିପଦକୁ ପ୍ରତିହତ କରିବାରେ ସକ୍ଷମ ଋଷୀୟ ଏସ-୪୦୦ ଏବଂ ରାଫେଲ ଯୁଦ୍ଧ ବିମାନଗୁଡ଼ିକୁ ବଢ଼ୁଥିବା ଉତ୍ତେଜନା ମଧ୍ୟରେ ଏହି ଗୁରୁତ୍ୱପୂର୍ଣ୍ଣ କରିଡରକୁ ସୁରକ୍ଷା ଦେବାର ଦାୟିତ୍ୱ ଦିଆଯାଇଛି।
