ବୁଡ଼ିଗଲେ ନାବାଳକ
ବୁଡ଼ିଗଲେ ନାବାଳକ
ବଲାଙ୍ଗୀର ଜିଲ୍ଲାର ସଇଁତଳା ଥାନା ଅନ୍ତର୍ଗତ ସାନ୍ତୁପେର ଗାଁରେ ବନ୍ଧୁମାନଙ୍କ ସହିତ ଗାଧୋଇବା ବେଳେ ସୋମବାର ଦିନ ପୋଖରୀରେ ବୁଡ଼ି ଜଣେ ନାବାଳକଙ୍କ ମୃତ୍ୟୁ ଘଟିଛି.। ମୃତକ ବଲାଙ୍ଗୀର ସହରର ଆନନ୍ଦ ନଗର ନିବାସୀ ପ୍ରିୟଦର୍ଶନ ଜେନା ବୋଲି ଚିହ୍ନଟ କରାଯାଇଛି
ବଲାଙ୍ଗୀର/ଭୁବନେଶ୍ୱର ୨୧-୦୪-୨୦୨୫ (ଏସ.ଏମ ) : ବଲାଙ୍ଗୀର ଜିଲ୍ଲାର ସଇଁତଳା ଥାନା ଅନ୍ତର୍ଗତ ସାନ୍ତୁପେର ଗାଁରେ ବନ୍ଧୁମାନଙ୍କ ସହିତ ଗାଧୋଇବା ବେଳେ ସୋମବାର ଦିନ ପୋଖରୀରେ ବୁଡ଼ି ଜଣେ ନାବାଳକଙ୍କ ମୃତ୍ୟୁ ଘଟିଛି। ମୃତ ବାଳକ ଜଣକ ବଲାଙ୍ଗୀର ସହରର ଆନନ୍ଦ ନଗର ନିବାସୀ ପ୍ରିୟଦର୍ଶନ ଜେନା ବୋଲି ଚିହ୍ନଟ କରାଯାଇଛି। ସେ ଯୁକ୍ତ ୨ ଛାତ୍ର ଏବଂ ତାଙ୍କ ପରିବାରର ଏକମାତ୍ର ପୁଅ ଥିଲେ।ଚାରି ଜଣ ବନ୍ଧୁ ଏକ ବିବାହ ଉତ୍ସବରେ ଯୋଗଦେବା ପାଇଁ ଗାଁରେ ଏକାଠି ହୋଇଥିଲେ। ଏକାଠି ଗାଧୋଇବା ସମୟରେ, ପ୍ରିୟଦର୍ଶନ ପାଣିରେ ବୁଡ଼ି ମୃତ୍ୟୁବରଣ କରିଥିଲେ। ଗାଁ ଲୋକେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିବା ସତ୍ତ୍ୱେ ସେ ବୁଡ଼ି ଯାଇଥିଲେ। ଅନ୍ୟ ତିନି ଜଣଙ୍କୁ ଗାଁ ଲୋକେ ସୁରକ୍ଷିତ ଭାବରେ ଉଦ୍ଧାର କରିଥିଲେ।ପ୍ରିୟଦର୍ଶନଙ୍କୁ ଚିକିତ୍ସା ଲାଗି ସଇଁତଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
