ବେଙ୍ଗାଲୁରୁ ବନ୍ୟା ଯନ୍ତ୍ରଣା
ବେଙ୍ଗାଲୁରୁ ବନ୍ୟା ଯନ୍ତ୍ରଣା
ବେଙ୍ଗାଲୁରୁରେ ହୋଇଥିବା ପ୍ରବଳ ବର୍ଷାତୋଫାନ ଏକା ଦିନରେ ତିନି ଜଣଙ୍କ ଜୀବନ ନେଇଛି
ବେଙ୍ଗାଲୁରୁ/ଭୁବନେଶ୍ୱର ୨୦-୦୫-୨୦୨୫(ଏସ.ଏମ ) : ଚଳିତବର୍ଷ ବେଙ୍ଗାଲୁରୁରେ ହୋଇଥିବା ପ୍ରବଳ ବର୍ଷାତୋଫାନ ଏକା ଦିନରେ ତିନି ଜଣଙ୍କ ଜୀବନ ନେଇଛି। ସୋମବାର ସନ୍ଧ୍ୟାରେ ବିଟିଏମ୍ ଲେଆଉଟ୍ରେ ଦୁଇଜଣଙ୍କ ମୃତ୍ୟୁ ଘଟିଥିବା ରିପୋର୍ଟ ହୋଇଛି।ଜାଣିବାକୁ ମିଳିଛି ଯେ ଆପାର୍ଟମେଣ୍ଟ୍ ପରିସରରେ ପାଣି ଜମିଥିବା ବେଳେ ତାକୁ ସଫା କରିବା ବେଳେ ବିଦ୍ୟୁତ୍ ଆଘାତରେ ଜଣେ ୬୩ ବର୍ଷୀୟ ବୃଦ୍ଧ ଏବଂ ଜଣେ ୧୨ ବର୍ଷୀୟ ବାଳକ ପ୍ରାଣ ହରାଇଛନ୍ତି। ତାଙ୍କ ନାମ ନମୋହନ କାମଥ। ପୂର୍ବରୁ, ପ୍ରବଳ ବର୍ଷା ହେତୁ ଏକ କମ୍ପାଉଣ୍ଡ କାନ୍ଥ ଭୁଶୁଡ଼ି ପଡ଼ିବା ଫଳରେ ହ୍ୱାଇଟ୍ଫିଲ୍ଡରେ ଜଣେ ୩୫ ବର୍ଷୀୟ ମହିଳା ଗୃହରକ୍ଷୀଙ୍କ ମୃତ୍ୟୁ ହୋଇଥିଲା।ରବିବାର ଏବଂ ସୋମବାର ମଧ୍ୟବର୍ତ୍ତୀ ରାତିରେ ସହରରେ ଛଅ ଘଣ୍ଟାରୁ ଅଧିକ ସମୟ ଧରି ପ୍ରବଳ ବର୍ଷା ହୋଇଥିଲା। ବର୍ଷା ଯୋଗୁ ପ୍ରବଳ ଜଳବନ୍ଦୀ ହୋଇ ସହରର ସାରା, ବେସମେଣ୍ଟ ଏବଂ ଅନେକ ତଳିଆ ଅଞ୍ଚଳ ଜଳମଗ୍ନ ହୋଇଗଲା।ସୋମବାର ସନ୍ଧ୍ୟା ପ୍ରାୟ ୬ଟା ବେଳେ ଏକ ଆପାର୍ଟମେଣ୍ଟରେ ଏହି ଘଟଣା ଘଟିଥିଲା। ବିଦ୍ୟୁତ୍ ମୋଟର ବ୍ୟବହାର କରି ଜମି ରହିଥିବା ବର୍ଷାଜଳକୁ ନିଷ୍କାସନ କରିବାକୁ ଚେଷ୍ଟା କରିବା ସମୟରେ ଉଭୟ ମୃତକ ବିଦ୍ୟୁତଘାତରେ ଜୀବନ ହରାଇଛନ୍ତି।ଉଭୟ ମୃତଦେହକୁ ପୋଷ୍ଟମର୍ଟମ ପାଇଁ ସେଣ୍ଟ ଜନ୍ସ ହସ୍ପିଟାଲକୁ ପଠାଯାଇଛି। ସୋମବାର ରାତିରେ, କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡିକେ ଶିବକୁମାର କହିଛନ୍ତି ଯେ ‘‘ସରକାର ସହରର ୨୧୦ଟି ବନ୍ୟାପ୍ରବଣ ଅଞ୍ଚଳ ଚିହ୍ନଟ କରିଛନ୍ତି। ଏଥିମଧ୍ୟରୁ, ଆମେ ୧୬୬ଟି ଅଞ୍ଚଳରେ ବନ୍ୟା ସମସ୍ୟାର ସମାଧାନ କରିଛୁ। ଯାହାକି ପ୍ରାୟ ୭୦ ପ୍ରତିଶତ ହେବ। ଆହୁରି ୨୪ଟି ସ୍ଥାନରେ କାମ ଚାଲିଛି ଏବଂ ବାକି ୨୦ଟିରେ ଶୀଘ୍ର କାମ କରାଯିବ”।
