ୟୁପିଆଇ ପେମେଣ୍ଟ୍ ଠପ୍: ଭୀଷଣ ଅସୁବିଧାରେ ପଡ଼ିଲେ ବ୍ୟବହାରକାରୀ
ୟୁପିଆଇ ପେମେଣ୍ଟ୍ ଠପ୍: ଭୀଷଣ ଅସୁବିଧାରେ ପଡ଼ିଲେ ବ୍ୟବହାରକାରୀ
ଶନିବାର ଭାରତରେ ଅନେକ ଉପଭୋକ୍ତା ଡିଜିଟାଲ୍ ପେମେଣ୍ଟ କରିବାକୁ ଚେଷ୍ଟା କଲା ବେଳେ ଅସୁବିଧାର ସମ୍ମୁଖୀନ ହୋଇଛନ୍ତି। ଅନେକ ଉପଭୋକ୍ତା ଏନେଇ ସୋସିଆଲ ମିଡିଆରେ ପୋଷ୍ଟ୍ କରିଛନ୍ତି।
ମୁମ୍ବାଇ/ଭୁବନେଶ୍ୱର ୧୨-୦୪-୨୦୨୫( ଏସ.ଏମ ) : ଆଜିକାଲି ଲୋକେ ୟୁପିଆଇ ପେମେଣ୍ଟ୍ ଉପରେ ଅଧିକ ନିର୍ଭର ହୋଇ ପଡ଼ିଥିବା ବେଳେ ଶନିବାର ଭାରତରେ ଅନେକ ଉପଭୋକ୍ତା ଡିଜିଟାଲ୍ ପେମେଣ୍ଟ କରିବାକୁ ଚେଷ୍ଟା କଲା ବେଳେ ଅସୁବିଧାର ସମ୍ମୁଖୀନ ହୋଇଛନ୍ତି। ୟୁନିଫାଏଡ୍ ପେମେଣ୍ଟ୍ସ ଇଣ୍ଟରଫେସ୍ (ୟୁପିଆଇ) ଏକ ବଡ଼ ବ୍ୟାଘାତର ସମ୍ମୁଖୀନ ହୋଇଥିବା ଦେଖିବାକୁ ମିଳିଛି। ଅନେକ ଉପଭୋକ୍ତା ସୋସିଆଲ ମିଡିଆରେ ପେଟିଏମ୍, ଫୋନପେ ଏବଂ ଗୁଗୁଲପେ ଭଳି ଲୋକପ୍ରିୟ ଆପ୍ କାମ କରୁନଥିବା ରିପୋର୍ଟ କରିଛନ୍ତି।ଲୋକେ କଣାକିଣି, ବିଲ୍ ପେମେଣ୍ଟ ଏବଂ ଟଙ୍କା ସ୍ଥାନାନ୍ତର ସମେତ ଦୈନନ୍ଦିନ ପେମେଣ୍ଟ ପାଇଁ ୟୁପିଆଇ ଉପରେ ନିର୍ଭର କରୁଥିବା ଅନେକଙ୍କ ପାଇଁ ଅସୁବିଧା ସୃଷ୍ଟି କରିଥିଲା। ଏହି ବିଭ୍ରାଟ ସୋସିଆଲ ମିଡିଆରେ ବ୍ୟାପକ ଭାବରେ ରିପୋର୍ଟ କରାଯାଇଥିଲା ଏବଂ ୱେବସାଇଟ୍ ମନିଟରିଂ ଦ୍ୱାରା ରିଅଲ୍ ଟାଇମରେ ଟ୍ରାକ୍ ମଧ୍ୟ କରାଯାଇଥିଲା।ବର୍ତ୍ତମାନ ଦିନକୁ ଦିନ ଇ-ବ୍ୟାଙ୍କିଙ୍ଗ୍ ସେବା ବଢି ବଢି ଚାଲିଛି । ସାଧାରଣତଃ ପରିବା ଦୋକାନିଠୁ ନେଇ ସପିଙ୍ଗ୍ ମଲ୍ ପର୍ଯ୍ୟନ୍ତ ସବୁଠି ୟୁପିଆଇ ସ୍କାନରର ବ୍ୟବସ୍ଥା ରହିଛି । ଲୋକମାନେ ପାଖରେ କ୍ୟାସ୍ ରଖିବାକୁ ଆଉ ପସନ୍ଦ କରୁନାହାଁନ୍ତି । ଗୋଟିଏ କ୍ଲିକ୍ରେ ପେମେଣ୍ଟ କରିବା ସମସ୍ତଙ୍କର ପସନ୍ଦ ପାଲଟିଛି । ତେଣୁ ହଠାତ୍ ଏହି ସେବାରେ ବାଧା ସୃଷ୍ଟି ହେବାରୁ ବ୍ୟବହାରକାରୀମାନେ ଅସୁବିଧାର ସମ୍ମୁଖୀନ ହୋଇଛନ୍ତି । ଡାଉନ୍ଡିଟେକ୍ଟରର ସୂଚନା ଅନୁସାରେ ଏହି ସମସ୍ୟା ପାଖାପାଖି ଆଜି ଦିନ ୧୨ଟାରୁ ଆରମ୍ଭ ହୋଇଛି ।
