ଆକ୍ସମ୍-୪ ମିସନ ଜୁନ୍ ୧୯ରେ ମହାକାଶ କେନ୍ଦ୍ରକୁ ଯିବ
ଆକ୍ସମ୍-୪ ମିସନ ଜୁନ୍ ୧୯ରେ ମହାକାଶ କେନ୍ଦ୍ରକୁ ଯିବ
ଇସ୍ରୋ ଶନିବାର ଘୋଷଣା କରିଛି ଯେ, ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କୁ ନେଇ ଆକ୍ସମ୍-୪ ଅଭିଯାନ ଏବେ ଜୁନ୍ ୧୯, ୨୦୨୫ରେ ନାସାର କେନେଡି ସ୍ପେସ୍ ସେଣ୍ଟରରୁ ସ୍ପେସ୍ ଏକ୍ସ ଫାଲକନ୍ ୯ ରକେଟ୍ରେ ଲଞ୍ଚ ହେବାକୁ ଯାଉଛି
ନୂଆଦିଲ୍ଲୀ/ଭୁବନେଶ୍ୱର ୧୫-୦୬-୨୦୨୫(ଏସ .ଏମ ) : ବାରମ୍ବାର ବିଳମ୍ବ ପରେ ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଶନିବାର ଘୋଷଣା କରିଛି ଯେ, ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କୁ ନେଇ ଆକ୍ସମ୍-୪ ଅଭିଯାନ ଏବେ ଜୁନ୍ ୧୯, ୨୦୨୫ରେ ନାସାର କେନେଡି ସ୍ପେସ୍ ସେଣ୍ଟରରୁ ସ୍ପେସ୍ ଏକ୍ସ ଫାଲକନ୍ ୯ ରକେଟ୍ରେ ଲଞ୍ଚ ହେବାକୁ ଯାଉଛି।କେନ୍ଦ୍ର ବିଜ୍ଞାନ ଓ ପ୍ରଯୁକ୍ତି ବିଦ୍ୟା ରାଷ୍ଟ୍ରମନ୍ତ୍ରୀ ଡ. ଜିତେନ୍ଦ୍ର ସିଂହ କହିଛନ୍ତି, ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କୁ ଅନ୍ତର୍ଜାତୀୟ ମହାକାଶ କେନ୍ଦ୍ରକୁ ନେଇ ଯାଉଥିବା ଆକ୍ସମ୍-୪ ମିସନର ଉତ୍କ୍ଷେପଣ ତାରିଖ ବର୍ତ୍ତମାନ ଜୁନ୍ ୧୯, ୨୦୨୫କୁ ଘୁଞ୍ଚାଇ ଦିଆଯାଇଛି। ଫାଲକନ୍ ୯ ତରଳ-ଅମ୍ଳଜାନ ଲିକ୍ ଓ ଅନ୍ତର୍ଜାତୀୟ ମହାକାଶ ଷ୍ଟେସନ (ଆଇଏସ୍ଏସ୍)ରେ ଥିବା ଏକ ମଡ୍ୟୁଲ୍ରେ ଚାପ ଅନିୟମିତତା କାରଣରୁ ଆକ୍ସମ୍-୪କୁ ଏକାଧିକ ଥର ବିଳମ୍ବର ସମ୍ମୁଖୀନ ହେବାକୁ ପଡ଼ିଥିଲା। ସ୍ପେସ୍ ଏକ୍ସ ଓ ନାସା ସମସ୍ତ ସିଷ୍ଟମ୍କୁ ଭଲ ଭାବରେ ପରୀକ୍ଷଣ ଓ ସୁରକ୍ଷିତ କରିବା ପାଇଁ ପୂର୍ବ ଉତ୍କ୍ଷେପଣ ପ୍ରୟାସକୁ ବନ୍ଦ କରିଦେଇଥିଲେ।
