ନୂଆ ନୁହେଁ ‘ନ୍ୟାୟ ପାଇଁ ବନ୍ଦ’
ନୂଆ ନୁହେଁ ‘ନ୍ୟାୟ ପାଇଁ ବନ୍ଦ’…
- ଓଡିଶାରେ ବନ୍ଦ ପାଳନ ଯଦିଓ ନୂଆ ନୁହେଁ କିନ୍ତୁ ଅନେକ ଦିନ ପରେ ଓଡିଶାକୁ ଫେରିଛି ‘ବନ୍ଦ’ ଫିଭର ।
- ଆଉ ଯାହାର ତାତି ଆଜି ସାରା ରାଜ୍ୟରେ ଦେଖିବାକୁ ମିଳିଛି ।
- ପ୍ରାୟ ଅନେକ ଦିନ ପରେ ପୁଣି ଥରେ ସାରା ଓଡିଶାରେ ବନ୍ଦର ପ୍ରଭାବ ଦେଖିବାକୁ ମିଳିଛି ।
ଭୁବନେଶ୍ୱର ୧୭-୦୭-୨୦୨୫(ଏସ.ଏମ .) :(ବିଜୟ କୁମାର ପଣ୍ଡା ) ଓଡିଶାରେ ବନ୍ଦ ପାଳନ ଯଦିଓ ନୂଆ ନୁହେଁ କିନ୍ତୁ ଅନେକ ଦିନ ପରେ ଓଡିଶାକୁ ଫେରିଛି ‘ବନ୍ଦ’ ଫିଭର । ଆଉ ଯାହାର ତାତି ଆଜି ସାରା ରାଜ୍ୟରେ ଦେଖିବାକୁ ମିଳିଛି । ଆପଣ ଯଦି ଟିକେ ଭଲଭାବେ ଓଡିଶାର ଅତୀତକୁ ଏବଂ ଘଟଣାକ୍ରମ ଉପରେ ଆଖି ବୁଲାଇ ଆଣିବେ ଆପଣ ଦେଖିବେ ପ୍ରାୟ ଅନେକ ବର୍ଷ ହୋଇଯିବ ଏମିତି ଓଡିଶାରେ ବନ୍ଦ ପାଳନ ହୋଇନି । ଯଦିଓ କାଁ ଭାଁ ବିଜେପି ପକ୍ଷରୁ କିମ୍ବା ଅନ୍ୟାନ୍ୟ ଦଳ ପକ୍ଷରୁ କେବେ କେବେ ବନ୍ଦ ଡାକରା ଦିଆଯାଇଛି ମାତ୍ରା ସେତେ ପ୍ରଭାବଶାଳୀ ହୋଇନି ।ପ୍ରାୟ ଅନେକ ଦିନ ପରେ ପୁଣି ଥରେ ସାରା ଓଡିଶାରେ ବନ୍ଦର ପ୍ରଭାବ ଦେଖିବାକୁ ମିଳିଛି । ହୁଏତ ବିଗତ ବର୍ଷ କିମ୍ବା ବିଗତ ଦିନମାନଙ୍କରେ ବିରୋଧୀମାନେ ନିଜ ଭୂମିକାକୁ ପ୍ରଭାବୀ ଢଙ୍ଗରେ ପରିଚାଳିତ କରିପାରିନଥିବେ କିମ୍ବା କଂଗ୍ରେସ ବର୍ତ୍ତମାନ ପରି ପୂର୍ବରୁ ଏଭଳି ବନ୍ଦ ପାଇଁ ବଳ ଗୋଟାଇ ପାରିନଥିବ । ତାର କାରଣ ତର୍ଜମା କଲେ ଅନେକ ଦିଗ ଆସିବ । ନେତୃତ୍ବ ଠାରୁ ଆରମ୍ଭ କରି କଂଗ୍ରେସ ଭିତରେ ଫାଟ ହିଁ ଦଳର ବଳକୁ କମାଇବାର ଅନେକ ଥର ଦେଖିବାକୁ ମିଳିଛି । ମାତ୍ର ଏବେ କଂଗ୍ରେସ ପୂର୍ବପରି ଓଡିଶାରେ ନାହିଁ । ହାତ ଏବେ ଶକ୍ତିଶାଳୀ ହେଉଛି, ସରକାରଙ୍କୁ ଘେରିବାକୁ କଂଗ୍ରେସ ଆକ୍ରମଣାତ୍ମକ ମୁଦ୍ରାରେ ସଦା ପ୍ରସ୍ତୁତ ରହୁଛି । ତେବେ ଖାଲି ବର୍ତ୍ତମାନ କଲେଜ ଛାତ୍ରୀଙ୍କୁ ନ୍ୟାୟ ଦେବାକୁ ଏପରି ବନ୍ଦ ପାଳନ ହେଉଛି ତାହା ନୁହେଁ ପୂର୍ବରୁ ମଧ୍ଯ ଅତୀତରେ ଅନେକ ଓଡିଶା ବନ୍ଦ ରାଜ୍ୟରେ ବିରାଟ ପ୍ରଭାବ ପକାଇଛି । ନଜର ପକାନ୍ତୁ ସେସବୁ ବନ୍ଦ ଡାକରା ଏବଂ ପ୍ରସଙ୍ଗ ଉପରେ..
